“HIP-HIP URRI!”

Kultur aisialdia familian

Bideoa

*** 2018ko Hip-hip URRI!:

2018 honetan ez dugu familientzat kultur aisialdirako jarduerez osatutako agenda aterako. Hausnarketarako hilabete batzuk hartu ditugu Hip-hip URRI! berritzaileagoa eta inklusiboagoa nahi dugulako. Gipuzkoako familia eta kultur eragileen arteko sinergia esanguratsuak, desberdinak, sortu nahi ditugu, oroimenean tartetxo bat betetzen duten horietakoak. Iradokizun edo ideiaren bat baduzu, badakizu, gustura hartuko ditugu iristen zaizkigun proposamen guztiak! Gure posta elektronikoa ikertze@ikertze.net da. Mila esker!

Helburua:

Familietan kultur aisialdia sustatzea, neska-mutilak txikitatik ohitu daitezen kulturaz gozatzera.

Deskribapena:

Hip-hip Urri! Donostian sortutako egitasmoa da, eta Europako beste hiri batzuetan ospatzen den October Children´s Month proiektua du oinarri. Kultur erakunde, instituzio eta pertsonen arteko lankidetza sustatzen du kultur eskaintzaren aitortzaren eta koordinazioaren bidez. Urrian kultur eskaintza doakoa izango da gaztetxoentzat.

Hip-hip URRI! egitasmoan ateak zabalik dituzte kultur gune guztiek: museo, arte-galeria, liburutegi, antzerki-talde, kultur ondareko gune, interpretazio-zentro… Donostian jarri zen martxan 2013an; Goierrira zabaldu zen 2015ean, eta Urola garaiko bi udaletara, 2016an.

Metodologia:

Parte hartu nahi duten kultura-gune edo -taldeek jarduera-proposamenak IKERTZERA bidali behar dituzte . Elkarteko lantaldea arduratuko da eskaintza koordinatu eta programatzeaz; behin betiko programazioa liburuxka batean bildu, eta Donostiako eta Goierriko Lehen Hezkuntzako ikasleei banatu zaie (14.000 ale).

Zeinentzat:

Parte hartu nahi duen erakunde, talde, nahiz kultur gune ororentzat.

Lehen Hezkuntzako neska-mutil eta beren familiei zuzendutako egitasmoa da.

Iraupena:

Urriko asteburuak.