“BEGIRADA KONTZIENTEAK” Kontsumo arduratsua eta emakumeen aurkako diskriminazioa

ikertze-miradas-conscientes-01
ikertze-miradas-conscientes-02
separador-2000

Helburua

Genero-ikuspegia kontuan izanik eta -emakume eta gizonen arteko botere-harremanen desoreka aztertuta-, gogoeta egitea gure gizartearen jarrera kontsumista eta horren eraginaren inguruan. Helburu nagusia da ikasleengan gai horri buruzko jarrera arduratsuak sustatzea.

Deskribapena:

Hasteko, gizon eta emakumeen genero-eraikuntza baldintzatzen duten elementu eta jarrerak aztertuko ditugu, pertsonongan duten eragina ulertzeko. Deskubrituko dugu kontsumoak iraunarazi egiten dituela rol eta estereotipo horiek, eta ikertu, horrek herrialde aberastu eta txirotuetara dakartzan ondorioak.
Oinarri hori eskuratzen dugunean, beste bide batzuk pentsatu, bilatu eta sortuko ditugu, eta horiek praktikara eraman.

Metodologia:

Parte-hartzea eta elkarrizketa dira lan egiteko moduaren oinarri. Modu horretan, denok pentsatu eta hausnartuko dugu gai horri buruz. Ariketa edo dinamikak egingo ditugu bakarka nahiz talde txikitan, ondoren, denon artean landuko ditugun kontzeptuak barneratzeko.

Zeinentzat:

Derrigorrezko Bigarren Hezkuntzako bigarren zikloko ikasle edo zaharragoentzat.

Iraupena:

6 ordu, 2 orduko hiru saiotan banatuta, eta praktika bat (programan landutako edukien aplikazioa).

Tailerren eragina neurtzeko galdera-sorta

Parte hartzen duten pertsonen ezagutzan eta jarreretan gure tailerrek duten eragina neurtzeko, aurrez eta ondoren egiteko galdetegi batzuk diseinatu ditugu. Klik egin botoiean eskuratu ahal izateko.

Galdetegiak

Material didaktikoa

Edukiak lantzeko, deskargatu programako gida didaktikoa.

Gida didaktikoa

Hezkidetza eta Pedagogia Feministen Kongresua

Ikertze eta Calcuta Ondoanen elkarlanean, Hezkidetza eta Pedagogia Feministen Kongresua 2020ko azaroan antolatu genuen. Esteka honetan laburpen liburua deskarga dezakezue, informazio gehiagorako: hezkidetza.calcutaondoan.org

Kongresuaren liburua